Bhakti Sandesh: હોળી એ ફક્ત રંગોનો તહેવાર જ નથી, પણ આનંદ, ભક્તિ અને એકતાનો પર્વ છે. આ તહેવાર ભગવાન શ્રી કૃષ્ણની મસ્તી, પ્રેમ અને ભક્તિ સાથે ગાઢ રીતે જોડાયેલો છે. મથુરા અને વૃંદાવનમાં જે ઉત્સાહ અને ઉલ્લાસ સાથે હોળી ઉજવાય છે, તે વિશ્વવિખ્યાત છે.
Thank you for reading this post, don't forget to subscribe!શ્રી કૃષ્ણ: રંગોના દેવતા
ભગવાન શ્રી કૃષ્ણને રંગોના દેવતા તરીકે પણ ઓળખવામાં આવે છે. બાળપણમાં તેઓ ગોપીઓ અને ગોપાલો સાથે રંગોની રમતમાં લીન રહેતા. કથા મુજબ, શ્રી કૃષ્ણને તેમની શ્યામવર્ણ ત્વચાને લઈ ચિંતિત જોતા માતા યશોદાએ સલાહ આપી કે તેઓ રાધા અને ગોપીઓ પર રંગ લગાવી શકે. આ પ્રસંગ આજે પણ મથુરા અને વૃંદાવનના ફાગ ઉત્સવમાં જીવંત બને છે.
હોળીનો ઐતિહાસિક અને ધાર્મિક મહત્વ
હોળીનો ઈતિહાસ હિરણ્યકશ્યપ અને પ્રહલાદની કથાથી સંકળાયેલો છે. હિરણ્યકશ્યપે ભગવાન વિષ્ણુની ભક્તિ છોડાવવા પોતાના પુત્ર પ્રહલાદને મરવાનો પ્રયાસ કર્યો, પરંતુ ભગવાનની કૃપાથી પ્રહલાદ બચી ગયા અને હોલિકા ભસ્મ થઈ. એ જ દિવસથી હોલિકા દહનની પરંપરા શરૂ થઈ.
આજની ઉજવણીમાં શ્રી કૃષ્ણનો રંગ
આજના સમયમાં પણ હોળી ખાસ કરીને મથુરા-વૃંદાવન, બરસના અને નંદગાંવમાં ભગવાન શ્રી કૃષ્ણની યાદમાં વિશેષ હર્ષોલ્લાસ સાથે ઉજવાય છે. ગુલાલ, ફાગ અને સંગીતથી ભક્તિ અને આનંદના રંગ છવાઈ જાય છે. આ વર્ષે, હોળીના રંગો માત્ર ત્વચા પર નહીં, પણ હૃદયમાં પણ ઉતારીએ. કૃષ્ણભાવનામાં લીન થઈ, પ્રેમ અને સૌહાર્દ સાથે, શ્રી કૃષ્ણના રંગે રંગાઈએ!
