India: સુપ્રીમ કોર્ટે તેના ઐતિહાસિક ચુકાદામાં ચાઈલ્ડ પોર્નોગ્રાફી ડાઉનલોડ કરવા અથવા જોવાને POCSO હેઠળ ગુના જાહેર કર્યો છે. ચીફ જસ્ટિસ ઓફ ઈન્ડિયા ડીવાય ચંદ્રચૂડ અને જસ્ટિસ જેબી પારડીવાલાની બેન્ચે મદ્રાસ હાઈકોર્ટના ચાઈલ્ડ પોર્નોગ્રાફી સંબંધિત ચુકાદાને રદ કર્યો હતો, જેમાં કહેવામાં આવ્યું હતું કે ચાઈલ્ડ પોર્ન વીડિયો ડાઉનલોડ કરવું અને જોવું ગુનો નથી.
Thank you for reading this post, don't forget to subscribe!સુપ્રીમ કોર્ટે જણાવ્યું કે આવા વીડિયોને POCSO અધિનિયમની કલમ 15(3) હેઠળ ગુના સાબિત કરવા માટે આ સાબિત કરવું પડશે કે વીડિયો કોઈ લાભ માટે સંગ્રહિત કરવામાં આવ્યો હતો. કોર્ટે સંસદને “ચાઈલ્ડ પોર્નોગ્રાફી” શબ્દને “બાળકોના જાતીય શોષણ-અપમાનજનક સામગ્રી” સાથે બદલવાનો સૂચન કર્યો છે. આ સુધારા માટે વટહુકમ લાવવાની માગણી સરકારને કરવામાં આવી છે. સુપ્રીમ કોર્ટે તમામ કોર્ટોને “ચાઈલ્ડ પોર્નોગ્રાફી” શબ્દ ન વાપરવા માટે પણ માર્ગદર્શન આપ્યું છે.
કેરળ હાઈકોર્ટે 13 સપ્ટેમ્બર, 2023ના રોજ ચાઈલ્ડ પોર્નોગ્રાફી મુદ્દે ચુકાદો આપ્યો હતો કે, જો કોઈ વ્યક્તિ અંગત રીતે અશ્લીલ ફોટો કે વીડિયો જોઈ રહ્યો હોય, તો તે ગુનો નથી. પરંતુ જો તે બીજાને આ વીડિયો બતાવે છે, તો તે અપરાધ છે. આ નિવેદનના આધારે, મદ્રાસ હાઈકોર્ટે એક આરોપીને નિર્દોષ જાહેર કર્યો હતો. આ ચુકાદાને પડકારતાં એક એનજીઓએ સુપ્રીમ કોર્ટમાં અરજી દાખલ કરી હતી.
