mahesana: વિસનગર શહેરના કમાણા ચોકડી પાસે આવેલા ગેલેક્સી હબ કોમ્પલેક્ષ આગળ છેલ્લા બે મહિનાથી ગટર ઉભરાવવાની સમસ્યા છે. તંત્ર દ્વારા કોઇ કાયમી ઉકેલ લાવવામાં ન આવતાં સ્થાનિક દુકાનદારો અને રાહદારીઓમાં રોષ જોવા મળી રહ્યો છે.
Thank you for reading this post, don't forget to subscribe!બે મહિના પૂર્વે આ સમસ્યા ઓછી હતી, પરંતુ હવે ગટરનું પાણી વધારે પ્રમાણમાં બહાર આવી રહ્યું છે. ગંદકીના કારણે કોમ્પલેક્ષમાં વેપાર કરવા આવતી-જતી વ્યક્તિઓને ખૂબ તકલીફ પડી રહી છે. દુકાનદારોમાં રોગચાળો ફાટી નીકળવાની દહેશત છે, તેમ છતાં તંત્ર દ્વારા યોગ્ય પગલાં લેવામાં આવ્યાં નથી.
દુકાનદારો દ્વારા વારંવાર રજૂઆતો કરાય છે, પરંતુ પ્રતિસાદ પાયમાલ રહે છે. ગટરની લાઇન વારંવાર ચોકઅપ થાય છે, જેનાથી ગંદકી ફરીથી ભેગી થાય છે. આ સમસ્યાનો કાયમી ઉકેલ લાવવા તંત્રએ તરત પગલાં લેવા જોઇએ, નહીં તો પરિસ્થિતિ વધુ વણસી શકે છે.
