Sports: અમદાવાદના નિકોલ ખાતે 47મી ગુજરાત રાજ્ય પેરા એથ્લેટિક્સ ચેમ્પિયનશિપનું આયોજન કરવામાં આવ્યું, જેમાં ગુજરાત અને દેશભરમાંથી 400થી વધુ દિવ્યાંગ ખેલાડીઓએ ઉત્સાહભર્યા ભાગ લીધો. આ ખેલાડીઓ નેશનલ, ઇન્ટરનેશનલ અને એશિયન પેરા એથ્લેટિક્સ ગેમ્સ જેવી સ્પર્ધાઓમાં શ્રેષ્ઠ પ્રદર્શન આપી ચૂક્યા છે, અને કાર્યક્રમ દરમિયાન તેમનું સન્માન કરવામાં આવ્યું. આ પ્રસંગે 45થી વધુ પેરાલિમ્પિક રમતવીરોની નેશનલ ગેમ્સ માટે પસંદગી થઈ છે, જે હાલમાં ગુજરાત રાજ્ય પેરા એથ્લેટિક્સ એસોસિએશનમાં તાલીમ લઈ રહ્યા છે.શોટ પુટ, બરછી ફેંક, વ્હીલ થ્રો, 100 અને 200 મીટર દોડ, લાંબી કૂદ, ઉંચી કૂદ અને ક્લબ થ્રો જેવી વિવિધ સ્પર્ધાઓ યોજાઈ.
Thank you for reading this post, don't forget to subscribe!ગુજરાત સ્ટેટ એથ્લેટિક્સ એસોસિએશન (GSAA)એ ઉછેરવા ખેલાડીઓને પ્રોત્સાહન આપવાની અને ખેલદિલીને સમર્પિત એક અગ્રણી સંસ્થા છે. સંસ્થા તમામ ઉંમર અને ક્ષમતાના એથ્લેટ્સ માટે શ્રેષ્ઠ સુવિધાઓ, તાલીમ કાર્યક્રમો અને સ્પર્ધાત્મક તકો પૂરી પાડે છે. નેશનલ અને ઈન્ટરનેશનલ મંચ પર શ્રેષ્ઠ પ્રદર્શન માટે ઉદ્ભવતા એથ્લેટ્સને માર્ગદર્શન અને સંસાધનો પૂરાં પાડવામાં મહત્ત્વનું યોગદાન કરે છે.
ગુજરાત રાજ્ય પેરા એથ્લેટિક્સ એસોસિએશનના પ્રમુખ કાંતિભાઈ પરમાર, સેક્રેટરી ચંદુભાઈ ભટ્ટી, પવન સિંધીએ આ પ્રસંગે હાજરી આપી. સાથે જ સમાજના સમર્થકો ગૌરવ પરીખ, જિલ્લા રમતગમત વિકાસ અધિકારી સમીરભાઈ પંચાલ સહિતના મહાનુભાવો, વિકલાંગ ખેલાડીઓ અને તેમના પરિવારજનો હાજર રહ્યા હતા.
