Gujarat: મ્યૂઝિયમમાં વડનગરના સાત પિરિયડના ઇતિહાસને અનોખી રીતે પ્રસ્તુત કરવામાં આવ્યો છે. અહીં જુદા-જુદા કાળના વેપાર-ધંધા, જળ વ્યવસ્થાપન અને સંસ્કૃતિના અમૂલ્ય અવશેષોનું દૃશ્ય ખૂબ જ રોમાંચક છે. પ્રવાસીઓ માટે એક બ્રિજની વ્યવસ્થા કરવામાં આવી છે, જેનાથી તેઓ ઉત્ખનન સાઇટના પ્રાચીન અવશેષોની ઝાંખી લઈ શકે છે. આ સાઇટ વડનગરના સમૃદ્ધ ઈતિહાસને ઉજાગર કરે છે, જે સમયગાળાની ગાથા કહે છે.

Thank you for reading this post, don't forget to subscribe!

વડનગરના ઐતિહાસિક વારસાને ઉજાગર કરતું મ્યૂઝિયમ તૈયાર,16 જાન્યુઆરીએ ઉદઘાટન 7 પિરિયડના ઈતિહાસ અને સંસ્કૃતિના દર્પણ સાથે પર્યટકો માટે ખુલશે. વડનગર સહિત સમગ્ર દેશને નવા વર્ષમાં 21 મીટર ઊંચા અને 326 પિલર પર ઊભેલા આ અદ્ભુત મ્યૂઝિયમની ભેટ મળશે. 99% કામ પૂર્ણ થઈ ચૂક્યું છે અને બાકીનું કાર્ય 10 દિવસમાં પૂરુ થશે. મ્યૂઝિયમ 16 જાન્યુઆરીએ દેશ-વિદેશના પર્યટકો માટે ખુલ્લું મુકાશે, અને ઉદઘાટન માટે કેન્દ્રિય ગૃહમંત્રી અમિત શાહની હાજરી શક્ય છે.

મ્યુઝિયમનું સંકલન અને રચના

• વિસ્તાર: 13,525 ચોરસ ફૂટમાં ફેલાયેલું મ્યૂઝિયમ.
• રચના: 326 પિલર પર આધારિત અને 21 મીટર ઊંચું.
• સુવિધાઓ: પાર્કિંગ અને કાફેટેરિયા.

ઉત્તરાયણ બાદ આ ઐતિહાસિક મ્યૂઝિયમને પર્યટકો માટે ખુલ્લું મુકાશે. બે થી ત્રણ કલાકમાં સમગ્ર મ્યૂઝિયમ જોઈ શકાશે, જે વડનગરના ઐતિહાસિક ગૌરવની યાદ અપાવશે.