Central Government: પાસપોર્ટ એક મહત્વપૂર્ણ દસ્તાવેજ છે, જેનાથી વ્યક્તિની ઓળખ અને નાગરિકતા સાબિત થાય છે. વિદેશ પ્રવાસ માટે પાસપોર્ટ સૌથી જરૂરી દસ્તાવેજ છે. તે દ્વારા કોઈ પણ વ્યક્તિ અન્ય દેશોમાં ફરવા, ભણવા, બિઝનેસ કરવા અથવા અન્ય કારણોસર મુસાફરી કરી શકે છે. હાલમાં, કેન્દ્ર સરકારે પાસપોર્ટ સંબંધિત મહત્વપૂર્ણ નિર્ણય લીધો છે. સરકારએ પાસપોર્ટ માટે અરજી કરવાની પ્રક્રિયામાં નવા નિયમો લાગુ કર્યા છે.

Thank you for reading this post, don't forget to subscribe!

1 ઑક્ટોબર 2023 પછીના જન્મ માટે જન્મ પ્રમાણપત્ર ફરજિયાત

નવા સુધારા અનુસાર, 1 ઑક્ટોબર 2023 અથવા તે પછી જન્મેલા અરજદારો માટે સરકારી અને અધિકૃત અધિકારીઓ દ્વારા જારી કરાયેલ જન્મ પ્રમાણપત્ર જ જન્મ તારીખનો એકમાત્ર માન્ય પુરાવો રહેશે.

આ નિયમોની મુખ્ય વિગતો:

• 1 ઑક્ટોબર 2023 પછી જન્મેલા લોકો માટે, જન્મ પ્રમાણપત્ર સિવાય અન્ય દસ્તાવેજો દ્વારા જન્મ તારીખનો પુરાવો માન્ય રહેશે નહીં.
• જન્મ પ્રમાણપત્ર માત્ર સરકારી માન્ય અધિકારીઓ અથવા જન્મ અને મૃત્યુ રજિસ્ટ્રાર દ્વારા જારી કરાયેલ હોવું જોઈએ.
• 1 ઑક્ટોબર 2023 પહેલાં જન્મેલા અરજદારો માટે, અગાઉની સિસ્ટમ મુજબ ડ્રાઈવિંગ લાઇસન્સ, શાળા છોડ્યાનું પ્રમાણપત્ર જેવા દસ્તાવેજો માન્ય રહેશે.

1980ના પાસપોર્ટ નિયમોમાં મહત્વપૂર્ણ સુધારો

કેન્દ્ર સરકારે આ અઠવાડિયે 1980ના પાસપોર્ટ નિયમોમાં સુધારાને અસર કરતા નવી સૂચના બહાર પાડી છે. અધિકારીઓએ જણાવ્યું છે કે આ સુધારા સત્તાવાર ગેઝેટમાં પ્રકાશિત થયા બાદ અમલમાં આવશે. આ ફેરફારને કારણે 1 ઑક્ટોબર 2023 પછી જન્મેલા લોકો માટે પાસપોર્ટ મેળવવાની પ્રક્રિયામાં પરિવર્તન આવશે. તેથી, આ તારીખ પછી જન્મેલા અરજદારોને સમયસર જન્મ પ્રમાણપત્ર મેળવવા માટે સચેત રહેવું જરૂરી છે.