India: ગુજરાત ATS (Anti-Terrorism Squad) અને હરિયાણા STF (Special Task Force) ને આતંકવાદીઓની ધરપકડમાં મોટી સફળતા મળી છે. બાતમીના આધારે ફરીદાબાદમાંથી બે આતંકીઓને ઝડપી લેવામાં આવ્યા છે. સંયુક્ત ઓપરેશન દરમિયાન હેન્ડ ગ્રેનેડનો જથ્થો પણ જપ્ત કરવામાં આવ્યો છે.
Thank you for reading this post, don't forget to subscribe!મોડી રાત્રે હાથ ધરાયું ઓપરેશન
ગુજરાત ATS અને હરિયાણા STF એ સંયુક્ત રીતે ઓપરેશન હાથ ધરી, ઉત્તર પ્રદેશના ફરીદાબાદમાંથી બે આતંકીઓને ઝડપી લીધા. મળતી માહિતી મુજબ, ગુજરાત ATS ને બાતમી મળી હતી કે બે શંકાસ્પદ શખ્સો હેન્ડ ગ્રેનેડના જથ્થા સાથે રાજ્યમાં પ્રવેશવાની તૈયારીમાં છે. ત્યારબાદ, હરિયાણા STF ની મદદથી રવિવાર, 2 માર્ચની મોડી રાત્રે ઓપરેશન ચલાવવામાં આવ્યું અને બંને શખ્સોની ધરપકડ કરવામાં આવી.
હરિયાણામાં ગુનો નોંધી તપાસ શરૂ
આ કેસમાં હરિયાણા STF દ્વારા ગુનો નોંધવામાં આવ્યો છે અને ગુજરાત ATSના અધિકારીઓ વધુ પૂછપરછ માટે હરિયાણા જઈ શકે છે. પૂછપરછ દરમિયાન મોટા ખુલાસાઓ થવાની શક્યતા છે, જેમ કે – આરોપીઓના સંપર્કો, હેન્ડ ગ્રેનેડનો ઉપયોગ ક્યાં થવાનું હતું અને તેઓ કઈ સંસ્થા સાથે સંકળાયેલા હતા. હાલ, બંને આરોપીઓ પાસેથી મળી આવેલ ડિજિટલ પુરાવાની તપાસ કરવામાં આવી રહી છે.
સફળ ઓપરેશન અને વધુ તપાસ
ગુજરાત ATS અને હરિયાણા STF એ સંયુક્ત ઓપરેશનની સફળતા પ્રાપ્ત કરી છે. આ ઓપરેશન દરમિયાન, હરિયાણાના ફરીદાબાદના પાલી વિસ્તારમાંથી એક શંકાસ્પદ આતંકી અબ્દુલ રહેમાનની ધરપકડ કરવામાં આવી. તે ઉત્તર પ્રદેશના ફૈઝાબાદના મિલ્કીપુર ગામનો રહેવાસી હોવાનું જાણવા મળ્યું છે. પોલીસે તેની સાથે 2 હેન્ડ ગ્રેનેડ અને ઉર્દૂ લખાણવાળી કેટલીક વસ્તુઓ પણ જપ્ત કરી છે, જેની તપાસ ચાલુ છે.
ગુજરાત ATS અને ફરીદાબાદ પોલીસની ટીમે વિશિષ્ટ બાતમીના આધારે આ ઓપરેશન હાથ ધર્યું. ઓપરેશન દરમિયાન, મોટી સંખ્યામાં પોલીસ દળ તૈનાત રાખવામાં આવ્યા હતા. શંકાસ્પદ યુવકની ધરપકડ બાદ, વધુ તપાસ શરૂ કરવામાં આવી છે અને અન્ય કોઈ વ્યક્તિ સાથે સંકળાયેલ છે કે નહીં તે જાણવા માટે પૂછપરછ ચાલી રહી છે. પોલીસ દ્વારા શંકાસ્પદ વ્યક્તિઓના અન્ય જોડાણો અંગે તપાસ ચાલુ રાખવામાં આવી છે. આ ઓપરેશનના પરિણામે, સંભવિત ભયાનક ઘટનાને અટકાવવામાં સફળતા મળી છે. આગળની તપાસમાં અન્ય મહત્ત્વપૂર્ણ ખુલાસાઓ થવાની સંભાવના છે.
