West Bengal: પશ્ચિમ બંગાળના અલીપુરદ્વાર ડિવિઝનના ન્યૂ મયનાગુરી સ્ટેશન પર મંગળવારે વહેલી સવારે ખાલી માલગાડીના 5 ડબ્બા પાટા પરથી ઉતરી ગયા હતા. આ ઘટનામાં કોઈ જાનહાનિ કે માલસામાનનું નુકસાન થયું નથી. અકસ્માતનું કારણ હજુ સુધી સ્પષ્ટ નથી. ઘટના સ્થળે તપાસ ચાલી રહી છે.
Thank you for reading this post, don't forget to subscribe!ટ્રેન સેવા ઝડપથી પુનઃપ્રારંભ કરવામાં આવશે
પૂર્વોત્તર સરહદ રેલવે ઝોનના મુખ્ય જનસંપર્ક અધિકારી અનુસાર, આ ઘટનાથી રેલવે સેવાઓ અસરગ્રસ્ત થઈ હતી. રેલવે ગતિવિધિઓને વૈકલ્પિક માર્ગો દ્વારા ડાયવર્ટ કરવામાં આવી. અલીપુરદ્વારના ડિવિઝનલ રેલવે મેનેજર (ડીઆરએમ) સહિત સિનિયર અધિકારીઓ ઘટનાસ્થળે પહોંચી ગયા હતા અને પરિસ્થિતિ પર સતત નજર રાખી રહી છે. અકસ્માતમાં નુકસાન થયેલ ટ્રેક અને કોચની મરામતની કામગીરી તાત્કાલિક શરૂ કરવામાં આવી. અહીં પાંચ ઓપરેશનલ લાઇન છે, અને ટ્રેન સેવા ટૂંક સમયમાં પુનઃસ્થાપિત કરવામાં આવશે.
સ્ટેશન સુપરિન્ટેન્ડન્ટ મુકેશ કુમારે જણાવ્યું હતું કે, ‘માલગાડી પાટા પરથી ઉતરી હતી, અને આ ઘટના આજે સવારે 6.20 વાગ્યે ઘટી હતી. ખુશકિસ્મતીથી કોઈ જાનહાનિ થઈ નથી. સમારકામની કામગીરી જોરશોરથી ચાલી રહી છે. આ અકસ્માતનું કારણ હજુ સુધી જાણી શકાયું નથી, અને વિશેષ ટીમ તપાસ કરી રહી છે.
