Gujarat: ગુજરાત યુનિવર્સિટીએ તાજેતરમાં એક્ઝિક્યુટિવ કાઉન્સિલમાં જીસીસીઆઈ (ગુજરાત ચેમ્બર ઓફ કોમર્સ એન્ડ ઈન્ડસ્ટ્રી)ના નોમીની મેમ્બર તરીકે મનન દાણીની નિમણૂક કરી છે. પણ, જીસીસીઆઈએ યુનિવર્સિટીને પત્ર લખીને સ્પષ્ટ કર્યું છે કે તેઓએ તો કોઈ નામ મોકલ્યું જ નથી. ફળસ્વરૂપે, યુનિવર્સિટી દ્વારા ચેમ્બરની જાણ વગર જ નોમીનીની નિમણૂક થઈ હોવાનો મુદ્દો ઉઠ્યો છે.
Thank you for reading this post, don't forget to subscribe!કુલપતિએ સત્તાનો ગેરલાભ
સરકારના કોમન યુનિ.એક્ટ અંતર્ગત 6 નવેમ્બર 2023ના રોજ ગુજરાત યુનિવર્સિટીની એક્ઝિક્યુટિવ કાઉન્સિલની રચના કરવામાં આવી હતી. કાઉન્સિલમાં 22માંથી માત્ર 11 મેમ્બરોની નિમણૂક કરવામાં આવી હતી, એટલે 50 ટકા જગ્યાઓ ખાલી રહી હતી. તાજેતરમાં, યુનિવર્સિટીના કુલપતિએ પોતાની સત્તાનો ઉપયોગ કરીને બે મેમ્બરોની નિમણૂક કરી છે. તેમાં જીસીસીઆઈ મેમ્બરની કેટેગરીમાં મનન દાણીની કાઉન્સિલમાં નિમણૂક કરવામાં આવી છે.
મનન દાણી હાલ ભાજપના આઈટી સેલમાં મહત્વનો હોદ્દો ધરાવે છે. બીજી તરફ, જીસીસીઆઈના એડિશનલ સેક્રેટરી જનરલ દ્વારા ગુજરાત યુનિવર્સિટીને પત્ર લખવામાં આવ્યો છે, જેમાં જણાવાયું છે કે અમે એક્ઝિક્યુટિવ કાઉન્સિલમાં જીસીસીઆઈના નોમીની તરીકે કોઈ નામ મોકલ્યું નથી. તેથી, યુનિવર્સિટીએ જીસીસીઆઈને મેમ્બરનું નામ મોકલવા માટે એક પત્ર મોકલવું જોઈએ, અને ત્યારબાદ જીસીસીઆઈ કાઉન્સિલમાં મૂકવા માટે સભ્યનું નામ યુનિવર્સિટીને મોકલશે.
આથી સ્પષ્ટ થાય છે કે યુનિવર્સિટી દ્વારા જીસીસીઆઈની જાણ વગર જ સભ્યની નિમણૂક કરવામાં આવી છે. મહત્વની બાબત એ છે કે આ પત્રને પગલે, ગત સોમવારે યુનિવર્સિટીમાં કાઉન્સિલની મીટિંગ મળી હતી, જેમાં આ મુદ્દે ગંભીર ચર્ચા થયાનું શક્ય છે.
