Crime: ભાવનગર લોકલ ક્રાઇમ બ્રાન્ચે ભારતીય બનાવટનાં પરપ્રાંત ઇંગ્લીશ દારૂની ૨૪૦ બોટલ, જેની કુલ કિંમત રૂ. 28.800/- થાય છે, સહિત એક મહિલાને ઝડપી પાડવામાં સફળતા મેળવી છે. પોલીસ મહાનિરીક્ષક શ્રી ગૌતમ પરમાર સાહેબ, ભાવનગર રેન્જ અને પોલીસ અધિક્ષક ડો. શ્રી હર્ષદ પટેલ સાહેબે લોકલ ક્રાઇમ બ્રાન્ચના પોલીસ ઇન્સ્પેક્ટર શ્રી A.R વાળા અને L.C.B. સ્ટાફના અધિકારીઓને ભાવનગર શહેર અને ગ્રામ્ય વિસ્તારોમાં દારૂ અને જુગાર જેવી ગેરકાયદે પ્રવૃત્તિઓને નાબૂદ કરવા માટે કડક સૂચનાઓ આપી છે. આ સૂચનાઓને અનુસરતાં, લોકલ ક્રાઇમ બ્રાન્ચે આ કામગીરી હાથ ધરી અને ગેરકાયદે દારૂના જથ્થા સાથે એક મહિલાને ઝડપી પાડી છે. આ સફળતા L.C.B. ટીમના પ્રત્યેક સભ્યની મહેનત અને કાર્યક્ષમતા પ્રતિબિંબિત કરે છે.

Thank you for reading this post, don't forget to subscribe!

ભારતીય બનાવટનાં પરપ્રાંત ઇંગ્લીશ દારૂની બોટલ નંગ-૨૪૦ સહિત કુલ કિ.રૂ.૨૮,૮૦૦/-

તા20/01/2025ના રોજ ભાવનગર, L.C.B. પોલીસ સ્ટાફનાં માણસો ભાવનગર શહેર વિસ્તારમાં પેટ્રોલીંગમાં હતાં.તે દરમ્યાન બાતમી મળેલ કે, કિરણબેન મેહુલભાઇ પરમાર રહે.આડોડિયા વાસ, ભાવનગરવાળા તેના કબ્જા ભોગવટાનાં થેલાઓમાં ભારતીય બનાવટનો પરપ્રાંત ઇંગ્લીશ દારૂનો જથ્થો બહારથી લાવી ભાવનગર-રાજકોટ હાઇ-વે ઓમ પાર્ટી પ્લોટ પાસે રોડ ઉપર ઉભા છે.જે બાતમી આધારે બાતમીવાળી જગ્યાએ રેઇડ કરતાં નીચે મુજબની ભારતીય બનાવટનાં ઇંગ્લીશ દારૂની પ્લાસ્ટીકની કંપની સીલપેક ફોર સેલ ઇન મહારાષ્ટ્ર સ્ટેટ ઓન્લી લખેલ બોટલોના જથ્થો ભરેલ થેલા-02 સાથે નીચે મુજબનાં મહિલા હાજર મળી આવેલ. તેઓ વિરૂધ્ધ ભાવનગર, બોરતળાવ પોલીસ સ્ટેશનમાં પ્રોહિબિશનની અલગ-અલગ કલમો હેઠળ ગુન્હો દાખલ કરી આગળની કાર્યવાહી હાથ ધરવામાં આવેલ છે.

આરોપી કિરણબેન વા/ઓ મેહુલભાઇ મનોજભાઇ પરમાર (ઉંમર 28 વર્ષ), રહે : અખાડામાં, આડોડિયા વાસ, ભાવનગર, તેમના કબ્જામાંથી ભારતીય બનાવટના પરપ્રાંત ઇંગ્લીશ દારૂના જથ્થા સહિતનો મુદ્દામાલ મળી આવ્યો હતો. કબ્જે કરાયેલા માલમાં બેગપાઈપર ડીલકસ વ્હિસ્કી (180 ML, ફોર સેલ ઇન મહારાષ્ટ્ર સ્ટેટ ઓન્લી લખેલ)ની 240 પ્લાસ્ટિકની કંપની સીલપેક બોટલનો સમાવેશ થાય છે, જેની કુલ કિંમત ₹28,800/- છે. સાથે, બ્લ્યુ કલરના “સિગ્નેચર” લખેલ બે થેલાઓ પણ કબ્જે કરાયા છે, જેની કિંમત ₹0/- ગણવામાં આવી છે. કુલ મળી ₹28,800/-ના મુદ્દામાલ સાથે આરોપી વિરુદ્ધ કાયદેસરની કાર્યવાહી હાથ ધરવામાં આવી છે.

પોલીસ સ્ટાફઃ-

આ કાર્યવાહી પોલીસ ઇન્સ્પેક્ટર શ્રી એ.આર.વાળાસાહેબના માર્ગદર્શન હેઠળ પોલીસ સબ ઇન્સ્પેક્ટર શ્રી વી.વી.ધ્રાંગુ તથા એલ.સી.બી. સ્ટાફના ઘનશ્યામભાઇ ગોહિલ, સાગરભાઇ જોગદિયા, વિઠ્ઠલભાઇ બારૈયા, સંજયભાઇ ચુડાસમા, અનિલભાઇ સોલંકી, પ્રજ્ઞેશભાઇ પંડ્યા, સજનાબેન ગોસાઇ અને જાગૃતિબેન કુંચાલાની મહેનતથી સફળ બની છે.

અહેવાલ: ફિરોજ મલેક ભાવનગર