Sports: IPLની છેલ્લી સિઝનમાં ઈમ્પેક્ટ પ્લેયરનો નિયમ મોટા વિવાદોમાં રહ્યો હતો. ઘણા જાણીતા ખેલાડીઓએ આ નિયમ વિરુદ્ધ જાહેર નિવેદનો આપ્યા હતા. આવી સ્થિતિમાં, ભારતીય ક્રિકેટ કંટ્રોલ બોર્ડ (BCCI)એ આ નિયમ પર મહત્વપૂર્ણ નિર્ણય લીધો છે. બીસીસીએ ડોમેસ્ટિક ટૂર્નામેન્ટમાંથી ઈમ્પેક્ટ પ્લેયર નિયમ હટાવવાનો નિર્ણય કર્યો છે, અને આ એ જ ટૂર્નામેન્ટ છે જ્યાં ઈમ્પેક્ટ પ્લેયરનો નિયમ પ્રથમ વખત રજૂ કરવામાં આવી હતી.

Thank you for reading this post, don't forget to subscribe!

BCCIએ સૈયદ મુશ્તાક અલી ટ્રોફીમાંથી ઈમ્પેક્ટ પ્લેયરનો નિયમ હટાવી નાખ્યો છે. આ ટ્રોફી 23 નવેમ્બરથી શરૂ થશે અને 15 ડિસેમ્બર સુધી ચાલશે. BCCIએ રાજ્ય એસોસિએશનને એક સંદેશ દ્વારા ઈમ્પેક્ટ પ્લેયર નિયમ અંગેના નિર્ણયની માહિતી આપી છે.

આ નિયમની શરૂઆત સૈયદ મુશ્તાક અલી ટ્રોફીથી થઈ

આ નિયમ અનુસાર, ટૉસ પછી બંને કેપ્ટનોએ પાંચ સબ્સીટ્યૂટ પ્લેયર્સના નામ આપવાના હોય છે. પછી, કેપ્ટન દ્વારા પસંદ કરવામાં આવેલા ચાર ખેલાડીઓમાંથી કોઈ એકને ઈમ્પેક્ટ ખેલાડી તરીકે પસંદ કરવામાં આવે છે, જેનો ઉપયોગ બેટિંગ અને બોલિંગ માટે કોઇપણ સમયે કરી શકાય છે. આ 12મો ખેલાડી મેદાનમાં પ્રવેશ કરતાં જ મેચનો પરિણામ બદલી શકે છે. તેની ઉપસ્થિતિથી ઑલરાઉન્ડર્સનું મહત્વ ઘટી જાય છે, કારણ કે ટિમ બેટિંગ દરમ્યાન એક વધારાના બેટરને સ્થાન પર રાખી શકે છે અને બોલિંગ દરમ્યાન તેને બદલીને નવો બોલર લાવી શકે છે.