Politics: ગુજરાતમાં અનેક જિલ્લાઓ અને શહેરોમાં નવા ભાજપ પ્રમુખોની જાહેરાત કરવામાં આવી છે. રાજ્યભરના 33 જિલ્લા અને મહાનગરપાલિકાઓ માટે ભાજપે નવા નેતૃત્વની પસંદગી કરી છે.
વિભિન્ન જિલ્લાઓમાં ભાજપ પ્રમુખોની નિયુક્તિ
નવસારી:
ભાજપના નવા પ્રદેશ પ્રમુખની જાહેરાત સાથે નવસારી જિલ્લામાં ભુરાલાલ શાહને ફરીથી ભાજપ પ્રમુખ તરીકે પસંદ કરવામાં આવ્યા છે. જલાલપોરના ધારાસભ્ય આર.સી. પટેલે તેમની વરણી માટે દરખાસ્ત કરી હતી, જેને સાંસદ ધવલ પટેલ અને ધારાસભ્ય રાકેશ દેસાઈનો ટેકો મળ્યો.
અમરેલી:
ભાજપના વરિષ્ઠ નેતા મોહનભાઈ કુંડારિયાએ ચંદુભાઈ મકવાણાને અમરેલી જિલ્લાના નવા ભાજપ પ્રમુખ તરીકે જાહેર કર્યા. તેઓ અગાઉ જિલ્લા ભાજપના મહામંત્રી તરીકે સેવા આપી ચૂક્યા છે.
મહેસાણા:
મહેસાણા જિલ્લામાં ગીરીશ રાજગોરને પુનરાયક્ત કરવામાં આવ્યા છે. સંકલન બેઠકમાં ગુજરાત ભાજપના વરિષ્ઠ નેતા ગોરધન ઝડપિયા, વર્ષાબેન દોશી અને ભરત ડાંગરની હાજરીમાં તેમનું નામ ફાઈનલ કરવામાં આવ્યું.
ગાંધીનગર:
અનિલ પટેલને ફરી એકવાર ગાંધીનગર જિલ્લા ભાજપ પ્રમુખ તરીકે પસંદ કરવામાં આવ્યા છે.
જૂનાગઢ:
શહેર ભાજપ પ્રમુખ તરીકે ગૌરવ રૂપારેલીયાની નિયુક્તિ કરવામાં આવી. પૂર્વ કેન્દ્રીય મંત્રી મોહન કુંડારિયાએ નવી વરણી અંગે પ્રતિક્રિયા આપી.
ભાવનગર:
કૃણાલ શાહને ભાવનગર શહેર ભાજપ પ્રમુખ તરીકે નિયુક્ત કરવામાં આવ્યા.
વડોદરા:
વડોદરા શહેર ભાજપ પ્રમુખ તરીકે ડો. જયપ્રકાશ સોનીની વરણી થઈ. ઘોષણા સમયે ભૂપેન્દ્રસિંહ ચુડાસમા, સંસદ સભ્યો અને અન્ય મહાનુભાવ ઉપસ્થિત રહ્યા હતા.
બનાસકાંઠા:
જિલ્લા ભાજપ પ્રમુખ તરીકે કીર્તિસિંહ વાઘેલા ફરીથી નિમાયા.
જામનગર:
જામનગરમાં ભાજપે પ્રથમવાર મહિલા શહેર પ્રમુખ તરીકે બીનાબેન કોઠારીની પસંદગી કરી.
આ નવી ટીમ દ્વારા આગામી રાજકીય ચુંટણીઓ અને સંગઠનને મજબૂત બનાવવા માટે કામગીરી કરવામાં આવશે.
રાજ્યભરના જિલ્લા અને મહાનગરોમાં ભાજપે નવા પ્રમુખોની નિમણૂક કરી છે. મહેસાણા, નવસારી અને ગાંધીનગરમાં વિશ્વાસ પુષ્ટિ સાથે જૂના પ્રમુખોને ફરી નિમણૂક કરવામાં આવી, જ્યારે જામનગરમાં પ્રથમવાર મહિલા શહેર પ્રમુખ તરીકે બીનાબેન કોઠારીની વરણી કરવામાં આવી છે.
જિલ્લા ભાજપ પ્રમુખોની યાદી
| નામ | જિલ્લો |
|---|---|
| ભુરાલાલ શાહ | નવસારી |
| ભરત રાઠોડ | સુરત |
| દશરથ બારિયા | મહિસાગર |
| અનિલ પટેલ | ગાંધીનગર |
| ગીરીશ રાજગોર | મહેસાણા |
| કિર્તિસિંહ વાઘેલા | બનાસકાંઠા |
| ચંદુભાઈ મકવાણા | જૂનાગઢ |
| અતુલભાઈ કાનાણી | અમરેલી |
| કિશોરભાઈ ગાવિત | ડાંગ |
| સુરજ વસાવા | તાપી |
| હેમંત કંસારા | વલસાડ |
| પ્રકાશ મોદી | ભરૂચ |
| નીલ રાવ | નર્મદા |
| ઉમેશ રાઠવા | છોટા ઉદયપુર |
| સંજય પટેલ | આણંદ |
| સ્નેહલ ધારિયા | દાહોદ |
| રમેશ સિંધવ | પાટણ |
| શૈલેશ દાવડા | અમદાવાદ |
| દેવજી વરચંદ | કચ્છ |
| કનુભાઈ પટેલ | સાબરકાંઠા |
| ભીખાજી ઠાકોર | અરવલ્લી |
| મયુર ગઢવી | દેવભૂમિ દ્વારકા |
| અલ્પેશ ઢોલરીયા | રાજકોટ |
| જયંતી રાજકોટિયા | મોરબી |
| સંજય પરમાર | ગીર સોમનાથ |
| દિગ્વિજયસિંહ ગોહિલ | ભાવનગર |
| મયુર પટેલ | બોટાદ |
| હિતેન્દ્રસિંહ ચૌહાણ | સુરેન્દ્રનગર |
| વિનોદ ભંડેરી | જામનગર |
શહેર ભાજપ પ્રમુખોની યાદી
| નામ | શહેર |
|---|---|
| ડો. જયપ્રકાશ સોની | વડોદરા |
| ગૌરવભાઈ રૂપારેલીયા | જૂનાગઢ |
| કુમારભાઈ શાહ | ભાવનગર |
| પરેશકુમાર પટેલ | સુરત |
| ડો. માધવ કે. દવે | રાજકોટ |
| બીનાબેન કોઠારી | જામનગર |
આ નવા પ્રમુખોની નિયુક્તિ સાથે ગુજરાત ભાજપે મજબૂત નેતૃત્વ સુનિશ્ચિત કર્યું છે, અને પ્રદેશ પ્રમુખ સીઆર પાટીલનો કાર્યકાળ પૂર્ણ થતાં નવા પ્રદેશ પ્રમુખની જાહેરાતની શક્યતા પણ ઉન્નત બની છે.
