Amreli: ગુજરાતના અમરેલીમાં ફિલ્મો જેવી અનોખી ઘટના બની છે. અહીં 4 વર્ષના બાળકનું અપહરણ થયેલી ઘટના બાદ, 24 વર્ષના લાંબા અંતરે તે બાળકનું તેના પરિવાર સાથે પુનઃમિલન થયું છે. તે સમયે આ ઘટના સમગ્ર ગુજરાતમાં ચર્ચાનો વિષય બની હતી, અને રાજ્યનું સમગ્ર તંત્ર બાળકને શોધવામાં લાગ્યું હતું. જોકે, અનેક પ્રયત્નો બાદ પણ બાળક મળ્યું નહોતું, અને માતા-પિતાએ પણ તેને પાછું મળવાની આશા ગુમાવી દીધી હતી.
Thank you for reading this post, don't forget to subscribe!યુવક પરિવાર સાથે કેવી રીતે જોડાયો?
બાળકના અપહરણને 24 વર્ષ વિતી ગયા હતા, જેના કારણે માતા-પિતાએ પોતાના પુત્રના પાછા ફરવાની આશા ત્યજી દીધી હતી. આટલા લાંબા વર્ષો બાદ, આ પરિવારને પોતાનું સંતાન પરત મળ્યું. ઘટના એવી છે કે પ્રફૂલ નામના યુવકે હરિયાણામાં પોતાના પાલક માતા-પિતાના અવસાન અને વ્યવસાય બંધ થયા પછી પોતાના સાચા માતા-પિતાને શોધવા ગુજરાતનો રખડો કર્યો.
અંતે, છેલ્લા બે વર્ષથી સુરતમાં વસવાટ કરતા પ્રફૂલે સતત પોતાના જન્મદાતા માતા-પિતાની શોધ શરૂ કરી હતી, પરંતુ કોઈ સફળતા મળી નહોતી. પરંતુ બે મહિના અગાઉ, પોરબંદરના એક યુટ્યુબરની મદદથી તે પોતાના પરિવારને શોધવામાં સફળ રહ્યો અને વર્ષોની અજાણી વાત પૂરી થઈ.
4 વર્ષની ઉંમરે કેવી રીતે થયું અપહરણ?
2000ના માર્ચમાં, અમરેલીના મણિનગરમાં રહેતા જીતેન્દ્ર અઢિયાના 4 વર્ષના દીકરાનું અપહરણ થયું હતું. આ ઘટના ત્યારે બની જ્યારે બાળક પોતાના કાકાના ઘરે બા પાસે જવાની જીદ કરતો હતો. બાનું ઘર નજીક જ હોવાથી માતાએ બાળકને એકલો જ મોકલી દીધો. જો કે તે ક્યારેય પાછો ઘેર પરત આવ્યો નહીં.
માર્ચ 10ના રોજ રસ્તામાં જ કોઈએ તેનો અપહરણ કરી લીધો. આ ઘટના સમગ્ર ગુજરાત માટે ચોંકાવનારી સાબિત થઈ. તંત્ર દ્વારા બાળકની શોધ માટે અનેક પ્રયત્નો કરવામાં આવ્યા, અનેક ટીમો બનાવી તપાસ હાથ ધરવામાં આવી. શહેરમાં આંદોલનો પણ થયા, પણ બાળકનો કોઈ પત્તો ન મળ્યો. અપહરણના 24 વર્ષ બાદ બાળક જાગૃત અઢિયા તરીકે ઓળખાયો છે. આ વાતની પુષ્ટિ માટે પોલીસે DNA ટેસ્ટ કરાવ્યો, જે મેચ થયો.
