Sports: ICCએ વર્ષ 2024ની શ્રેષ્ઠ ODI ખેલાડીઓની ટીમ જાહેર કરી છે, જેમાં શ્રીલંકાના ચાર, પાકિસ્તાન અને અફઘાનિસ્તાનના ત્રણ-ત્રણ ખેલાડીઓને સ્થાન મળ્યું છે. આ ટીમમાં ભારત અને ઓસ્ટ્રેલિયાના કોઈ પણ ખેલાડીને તક મળી નથી.

Thank you for reading this post, don't forget to subscribe!

ICCએ ગત વર્ષમાં શ્રેષ્ઠ પ્રદર્શન કરનારા ખેલાડીઓને આ ટીમમાં સ્થાન આપ્યું છે. શ્રીલંકાના ચાર ખેલાડીઓ સાથે આ ટીમમાં સૌથી વધુ પ્રતિનિધિત્વ છે. પાકિસ્તાન અને અફઘાનિસ્તાનના ત્રણ-ત્રણ ખેલાડીઓને પણ જગ્યા મળી છે. વેસ્ટ ઈન્ડિઝના એક ખેલાડીએ પણ આ ટીમમાં સ્થાન મેળવ્યું છે. ICCની શ્રેષ્ઠ ODI ટીમમાં ઓપનર તરીકે સેમ અયુબ અને રહેમાનુલ્લા ગુરબાઝનો સમાવેશ થયો છે. ત્રીજા નંબરે પથુમ નિસાન્કા છે, અને કુસલ મેન્ડિસ ચોથા નંબરે છે. મેન્ડિસને વિકેટકીપર તરીકે પણ પસંદ કરવામાં આવ્યો છે. શ્રીલંકાના કેપ્ટન ચરિત અસલંકા આ ટીમના કેપ્ટન છે.

વેસ્ટ ઈન્ડિઝના શેરફેન રધરફોર્ડ અને અફઘાનિસ્તાનના અઝમતુલ્લા ઓમરઝાઈ ઓલરાઉન્ડર તરીકે છે. વાનેન્દુ હસરાંગા પણ ઓલરાઉન્ડર તરીકે પસંદ થયો છે. બોલિંગ વિભાગમાં શાહીન આફ્રિદી અને હરિસ રૌફ ફાસ્ટ બોલર્સ છે, જ્યારે અલ્લાહ મોહમ્મદ ગઝનફર સ્પિનર તરીકે ટીમમાં છે. 2024માં ભારતીય ટીમે માત્ર 3 ODI મેચ રમી હતી, જે શ્રેણી શ્રીલંકા સામે હતી. આમાં ભારત 0-2થી હારી ગયું હતું, જ્યારે એક મેચ ટાઈ રહી હતી. બીજી તરફ, ઓસ્ટ્રેલિયાએ 12 ODI મેચ રમી, પરંતુ ટીમના મોટા ખેલાડીઓએ વધુ T20 ફોર્મેટ પર ધ્યાન કેન્દ્રિત કર્યું.

T20 વર્લ્ડ કપ 2024ને કારણે મોટી ટીમોએ T20 ફોર્મેટમાં વધારે મેચ રમી હતી, જ્યારે શ્રીલંકા, પાકિસ્તાન અને અફઘાનિસ્તાનની ટીમોએ ઘણી ODI મેચ રમી હતી, જેનાથી આ ખેલાડીઓ આ ફોર્મેટમાં દમદાર દેખાયા. સેમ અયુબ, રહેમાનુલ્લા ગુરબાઝ, પથુમ નિસાન્કા, કુસલ મેન્ડિસ, ચરિત અસલંકા, શેરફેન રધરફોર્ડ, અઝમતુલ્લા ઓમરઝાઈ, વાનેન્દુ હસરાંગા, શાહીન આફ્રિદી, હરિસ રૌફ, અલ્લાહ મોહમ્મદ ગઝનફર.