Health: ખ્યાતિ કાંડ સામે આવ્યા બાદ ગુજરાત સરકારે અનેક કડક પગલાં લીધા છે. PMJAY (પ્રધાનમંત્રી જન આરોગ્ય યોજના) હેઠળ રાજ્ય સરકારે નવી SOP (સ્ટાન્ડર્ડ ઓપરેટિંગ પ્રોસિજર) જાહેર કરી છે. આરોગ્ય મંત્રી ઋષિકેશ પટેલે જણાવ્યું કે આ યોજનામાં 900થી વધુ ખાનગી અને 1500થી વધુ સરકારી હોસ્પિટલોનો સમાવેશ થયો છે. યોજનાના દુરુપયોગને કારણે 2024થી અત્યાર સુધીમાં 10થી વધુ હોસ્પિટલો સસ્પેન્ડ કરી અને દંડની કાર્યવાહી હાથ ધરાઈ છે.

Thank you for reading this post, don't forget to subscribe!

PMJAY માટે SOP અને હોસ્પિટલ પ્રત્યેની નીતિ:

મંત્રી ઋષિકેશ પટેલે માહિતી આપી હતી કે PMJAY યોજના હેઠળ ચાર મુખ્ય પ્રકારની સારવાર માટે SOP નક્કી કરી છે. ખાસ કરીને કાર્ડિયોલોજી ક્ષેત્રે, માત્ર તેવા સેન્ટરોને માન્યતા અપાશે, જ્યાં કાર્ડિયોલોજીસ્ટ અને કાર્ડિઓથોરાસિક સર્જન સાથે કાર્ય થશે. સાથે જ, દર્દીઓની સારવાર માટે કાર્ડિયાક એનસ્થેટિક અને ફિઝિયોથેરાપિસ્ટ હાજર રાખવા હોસ્પિટલોને બાધ્યતાપૂર્વક રાખવામાં આવશે. એન્જિયોપ્લાસ્ટી અંગે, ઉપચાર માટે સીડી બનાવવી અને તે આપવી ફરજિયાત રહેશે.

ગેરવપરાશ સામે કાર્યવાહી:

PMJAY યોજના ગરીબો માટે મફત સારવાર માટે છે, પરંતુ કેટલીક ખાનગી હોસ્પિટલોએ તેનો ગેરવપરાશ કર્યો હોવાનું સામે આવ્યું છે. ખ્યાતિ હોસ્પિટલ કૌભાંડમાં, દર્દીઓને હેલ્થ કેમ્પના બહાને આકર્ષીને અજગર સારવાર કરાવવામાં આવી હતી. નાણાંના દુરૂપયોગ સાથે કેટલાક દર્દીઓના સ્વાસ્થ્ય સાથે ચેડાં કરવા જેવા ગંભીર આરોપો સામે આવ્યા હતા. સરકારના આ પગલાં PMJAY યોજનાની પારદર્શિતા અને દર્દીઓની સુરક્ષા સુનિશ્ચિત કરવા માટેના પ્રયાસ છે.