Business: સોનાના ભાવમાં સતત ત્રીજા દિવસે ઘટાડો થતા ગ્રાહકોમાં ખુશીનો માહોલ છે. ખાસ કરીને લગ્નસરાના સીઝન માટે સોનાના દાગીના ખરીદવાની તૈયારી કરતા લોકો માટે આ સારા સમાચાર છે.
Thank you for reading this post, don't forget to subscribe!આજે 24 કેરેટ સોનાનો ભાવ 77,100 રૂપિયાની આસપાસ પહોંચ્યો છે, જ્યારે 10 ગ્રામ સોનામાં 750 રૂપિયાનો ઘટાડો જોવા મળ્યો છે. 22 કેરેટ સોનાના ભાવમાં પણ 700 રૂપિયાનો ઘટાડો થયો છે, જે બજેટ માટે રાહતભર્યા સમાચાર છે. બીજી તરફ ચાંદીના ભાવમાં પણ નોંધપાત્ર ઘટાડો જોવા મળ્યો છે. એક કિલો ચાંદી હવે 91,500 રૂપિયાના દરે ઉપલબ્ધ છે, ગઇકાલે આ ભાવ 92,500 હતો, એટલે કે 1,000 રૂપિયાનો ઘટાડો થયો છે.
આવતા વર્ષ 2025 માટે નિષ્ણાતો આશા વ્યક્ત કરી રહ્યા છે કે 10 ગ્રામ સોનાના ભાવ 90,000 રૂપિયાની સપાટીને વટાવી શકે છે, જે સોનામાં રોકાણકારો માટે આકર્ષક તક બની શકે છે. સોનાના ભાવ પર સ્થાનિક અને આંતરરાષ્ટ્રીય પરિબળો, તેમજ યુએસ આર્થિક ડેટા અને ફેડરલ રિઝર્વના વ્યાજદર સંબંધિત નિર્ણયોનો અસરકારક પ્રભાવ રહે છે. વર્ષ 2024 સોનામાં રોકાણ માટે શ્રેષ્ઠ તક ધરાવતું વર્ષ સાબિત થવાની શક્યતા છે.
