Sports: ભારત અને ઓસ્ટ્રેલિયા વચ્ચેની ત્રીજી ટેસ્ટ શનિવારથી બ્રિસ્બેનમાં શરૂ થઈ છે, જ્યાં હવામાન સ્થિતિ અત્યંત ખરાબ છે. આ કારણે પહેલા દિવસના સેશનમાં ફક્ત 13.2 ઓવરો જ રમાઈ શકી હતી. મેચ દરમિયાન બે વખત વરસાદ પડતા રમત રોકવી પડી હતી. આગાહી મુજબ બ્રિસ્બેનમાં આગામી પાંચ દિવસ હવામાન નકારાત્મક રહેવાની શક્યતા છે, જે કારણે મેચ ડ્રો થવાનો પૂરો વકીલ છે. જો મેચ ડ્રો થાય, તો વર્લ્ડ ટેસ્ટ ચેમ્પિયનશિપ (ડબ્લ્યૂટીસી) પોઈન્ટ ટેબલ પર તેની શું અસર પડશે અને કયા ટીમને તેનો ફાયદો થશે, તે જાણવા જેવું રહેશે.

Thank you for reading this post, don't forget to subscribe!

વર્તમાન ડબ્લ્યુટીસી પોઈન્ટ ટેબલ મુજબ દક્ષિણ આફ્રિકા 63.33 પોઈન્ટ સાથે પહેલા ક્રમ પર છે. ઓસ્ટ્રેલિયા 60.71 પોઈન્ટ સાથે બીજા અને ભારત 57.29 પોઈન્ટ સાથે ત્રીજા સ્થાને છે. આ ત્રણ ટીમો બાદ શ્રીલંકા 45.45 પોઈન્ટ સાથે ચોથા ક્રમ પર છે. આ ચારેય ટીમો વર્લ્ડ ટેસ્ટ ચેમ્પિયનશિપની ફાઈનલ માટેની રેસમાં છે.

ભારત-ઓસ્ટ્રેલિયા ત્રીજી ટેસ્ટના સંભવિત ડ્રોની અસર, જો ત્રીજી ટેસ્ટ ડ્રો થાય તો બંને ટીમોના પોઈન્ટ ઘટશે પરંતુ પોઈન્ટ ટેબલ પરના ક્રમમાં કોઈ ફેરફાર નહીં થાય. ડ્રોની સ્થિતિમાં:

• ઓસ્ટ્રેલિયાના પોઈન્ટ 60.71થી ઘટીને 58.89 થઈ જશે.
• ભારતના પોઈન્ટ 57.29થી ઘટીને 55.88 થઈ જશે.

તે છતાં, ઓસ્ટ્રેલિયા બીજા અને ભારત ત્રીજા સ્થાને યથાવત રહેશે. આ ઉપરાંત, દક્ષિણ આફ્રિકા પહેલા ક્રમ પર અને શ્રીલંકા ચોથા ક્રમ પર યથાવત રહેશે. ન્યૂઝીલેન્ડ ફાઈનલની રેસમાંથી બહાર. ન્યૂઝીલેન્ડ 45.24 પોઈન્ટ સાથે પાંચમા સ્થાને છે, પરંતુ તે હવે ફાઈનલની રેસમાંથી બહાર થઈ ગયું છે. ત્રીજી ટેસ્ટમાં ન્યૂઝીલેન્ડ ઈંગ્લેન્ડને હરાવશે તો પણ તેના પોઈન્ટ 48.21 ટકા સુધી જ પહોંચી શકશે, જે ફાઈનલ રમવા માટે પૂરતા નથી.