Entertainment: એનસીપી નેતા અને મહારાષ્ટ્રના ભૂતપૂર્વ ધારાસભ્ય બાબા સિદ્દીકીની 12 ઓક્ટોબરના શનિવારે રાત્રે લૉરેન્સ ગેંગ દ્વારા ગોળી મારીને હત્યા કરવામાં આવી હતી. આ ઘટનાને લઈને હવે ફિલ્મ ડાયરેક્ટર રામ ગોપાલ વર્માએ પણ સોશિયલ મીડિયા પર પોતાની પ્રતિક્રિયા વ્યક્ત કરી છે, જે હાલ ઘણી ઝડપથી વાયરલ થઈ રહી છે.

Thank you for reading this post, don't forget to subscribe!

લખ્યું છે કે, ‘એક વકીલ, જે હવે ગેંગસ્ટર બની ગયો છે, એક સુપરસ્ટારને મારીને હરણના મોતનો બદલો લેવાનો ઇરાદો રાખે છે. તે ફેસબુક મારફતે ભેગી કરેલી તેની 700 લોકોની ગેંગને આદેશ આપે છે અને ચેતવણી રૂપે સુપરસ્ટારના નજીકના મિત્ર એવા એક મોટા રાજકારણીને મારી નાખવા માટે કહે છે. જોકે, પોલીસ તેને પકડી શકતી નથી, કારણ કે તે જેલમાં સરકારની સુરક્ષા હેઠળ છે. જો કોઈ બોલિવૂડ લેખક આવી વાર્તા રજૂ કરશે, તો લોકો તેને અવિશ્વસનીય અને બકવાસ કહેલી વાર્તા માટે તીખી ટીકા કરશે.’

રામ ગોપાલ વર્માએ પોતાની બીજી ટ્વીટમાં લખ્યું, ‘1998માં જ્યારે હરણની હત્યા થઈ હતી, ત્યારે લૉરેન્સ બિશ્નોઈ માત્ર 5 વર્ષનો હતો. પણ તે 25 વર્ષ સુધી આ ગુસ્સો પોસતો રહ્યો અને હવે 30 વર્ષની ઉંમરે તે કહે છે કે તેનું જીવનનું એકમાત્ર લક્ષ્ય સલમાન ખાનને મારીને હરણની હત્યાનો બદલો લેવું છે. શું આ પ્રાણીઓ પ્રત્યેનો અત્યંત પ્રેમ છે કે પછી ભગવાનનો કોઈ અજબ મજાક?’

બિશ્નોઇ કયા કારણે સલમાનનો દુશ્મન બની?

સપ્ટેમ્બર 1998માં, 26 વર્ષ પહેલા, સલમાન ખાન ફિલ્મ ‘હમ સાથ સાથ હૈ’ની શૂટિંગ માટે રાજસ્થાનના જોધપુરમાં ગયો હતો. ત્યાં 27 સપ્ટેમ્બરના રાત્રે શૂટિંગ બાદ, સલમાન અને સેફ અલી ખાન જુદી જ શિકાર કરવા ભવાદ ગામમાં ગયા, જ્યાં તેમણે કાળા હરણનું શિકાર કર્યું. આ ઘટનાના પગલે, બિશ્નોઇ સમુદાયે સલમાન ખાન વિરુદ્ધ ફરિયાદ નોંધાવી હતી.